TAILER BATERATUA-ARKITEKTURA IKASLE BATENTZAKO ETXEBIZITZA-ESTUDIOA, Azken entrega

     Azken asteetan tailer bateratuko lanari hobekuntzak egiten jardun ostean iritsi da entrega ordua. Azken sarrerako azalpenen gainean zenbait gauza aipatu nahiko nituzke, nire proiektuak aldaketa batzuk izan baititu.
   Gogorarazten dut proiektu honetan Arkitektura eskolako lorategian dagoen Edículoan bi ikaslerentzako etxebizitza estudio bat diseinatu behar genuela. Zenbait aldeketaren ostean nire eraikina lehenengo entregakoa baino txikiagoa egin dut, ez baitzen beharrezkoa lorategiko toki asko hartzea. Lehenengo solairuan bizikleta uzteko barra bat, sukalde txiki bat jantokiarekin eta egongela bat jarri ditut, espazio honetan bi tokitatik sartuko litzateke argia, horietako bat lorategirako irteera da eta bestea aldapara ematen duen leihoa, azken hau, intimitatea lortzeko asmoz, zeharrargia izatea erabaki dut. Lehenengo solairua bigarrenarekin lotzen duen eskaileratik igotzen bagara aurrez logela aurkituko dugu, bi ikasleena batera, baina apal batez banatua bakoitzak bere gunea izan dezan. Eskaileraren eskubian espazio ireki bat dago eta bertako bi leihoetako baten aurren ikasteko gunea aurkitzen da, azkenik, kumuna aurki dezakegu.
   Bestalde, aurreko sarreran aipatu bezala, lorategian jada existitzen den eraikinaren paretak errespetatu nahi izan ditut eta proiektua lorategira zabalduz hiru eserleku ere kokatu ditut, bai etxebizitzako ikasleentzat baita Arkitekturako eskolakoentzat ere.
     Gehiago luzatu gabe emen uzten ditut planoak, influentziak eta maketen argazkiak.

 

 

El Elogio de la Sombra

     Duela aste batzuk esan bezala lauhileko honetan Junichiro Tanizakiren “El Elogio de la Sombra” liburua irakurri dut; liburu hau arkitektura japoniarrean itzalak duen gogoeta bat da.

     Esan beharra daukat hasiera batean arraroa egin zitzaidala zenbateko garrantzia zuen itzalak japoniar arkitekturan baina liburuaren irakurketan aurrera egin ahala beste ikuspuntu bat lortzen da. 

     Uste dut gaur egun, eta gure kulturan, batez ere, garrantzi gehiegi ematen diogula argiari, espazio baten handitasunari, bertako elementuen distirari … Ulertzekoa da idazleak japoniar ohitura zaharrak galtzeko arriskuan ikustea. Japoniara bidaiatzen dutenak harrituta geratzen dira bertako gela tradizionaletan apaingarri gutxi ikustean, gela hori hutsa dagoela pentsatzen dute, eta zikina dagoela ere pentsatuko dute bidaiari askok. Japonian berriz, garrantzia ematen zaio espazioari berari eta bertako elementuek denboran zehar duten garapenari. Bestalde, argi elektrikoa alde batera utziz kandela edo oliozko lanparei garrantzia ematen die idazleak, azkenean, “modernotasunaren” ondorioz artifizialtasunera iritsi baikara.

      Uste dut liburu honetan aipatzen den tradizio hau ez litzatekeela galdu beharko, eta zenbait tokitan berreskuratu egin beharko zela. Bestalde, uste dut liburu honek beste ikuspegi berri bat garatzen lagun diezagukeela.

Tailer bateratua-ARKITEKTURA IKASLE BATENTZAKO ETXEBIZITZA-ESTUDIOA

     Azken proiektu honetan tailer bateratua eta protiektuko lana batzen dira. Ariketa honen helburua Arkitektura eskolako lorategian dagoen Edículo-an ikasle batentzako etxebizitza estudioa egitea da. Etxebizitza honek bi solairu izan behar ditu, eskailerak lantzeko, bizikleta bat gordetzeko aukera emango duen harrera gunea, ikasketa gune bat bi ikaslerentzat, bainugela edo kumuna eta logela.

     Proiektu hau egiterako orduan kontuan izan behar ditugu jadanik lorategian existitzen den eraikina eta honek inguruarekin duen erlazioa, bai Arkitekturako eskolarekin eta baita inguruko zelai eta eraikinekin ere. 

     Lanean hasterako banekien jadanik existitzen den eraikina ahal zen gutxien aldatu nahi nuela, hala ere, zenbait aldaketa egin ditut:

     -Lorategian hiru eserleku jarri ditut, hauetako batek nire etxebizitzaren forma berdina dauka, jarraipen bat dela esan dezaket, proiektua ez baita etxebizitzan bukatzen, beste bietako bat etxebizitzari itsatsita dago eta 2. solairuaren formari esker aterpean gelditzen da.

       -Lorategian dauden baldosak kendu ditut, horietako asko jada apurtuta daude eta oso arriskutsuak dira.

       -Bi leiho ireki ditut jada existitzen den eraikinean, kanpoko aldeko aldapatik igarotzen direnek leiho horretan gauzak uzteko, zain egoteko... aukera izango dute, leihoa kanporaka irteten baita.

     Etxebizitzaren barruari dagokionez bi solairu bereizten dira, bigarrena handiagoa da, kuboen artean konbinazioak eginez luzapen bat egin baitiot. Lehenengo solairuan sarrera aurkitzen da eta atea irekitzean harrera gunea ikusten da, bertan jantoki moduan funtziona dezakeen gune bat dago, honen aurrean logela aurkitzen da, bi oherekin eta kumunarekin. Sarreratik ezkerretara biratzen bagara eskailerak aurkituko ditugu, eta hauen azpian gelditzen den lekuan bizikletak uzteko gune bat. Bigarren solairuan leiho zabal baten aurrean bi ikaslerentzako ikastokia daukagu, apal eta armairuekin, baita dutxarik gabeko komun bat ere, bestalde, ikasteko gunetik banatuta, deskantsorako gune bat dago. Bigarren solairua eskaileraren ezkerretik zabaldu dudanez bertan geratzen den hutsunean pantaila bat jar zitekeela pentsatu dut, hartara, zine moduko bat sortzen da.

     Proiektua hobeto ulertzeko hemen uzten ditut planoak, influentziak eta maketaren argazkiak.

     Argazkian agertzen diren influentziez aparte esan beharra daukat "Las medidas en Arquitectura" liburua eta http://www.vitra.com/es-es/living?c=ES&u=/ webgunea oso erabilgarriak izan direla.

   

03. Ariketa: Espazio habirtagarria

     Aurreko asteko lana hobetuz, oraingoan maketa txukunagoa egin dut eta zenbait aldaketa sartu ditut logelan.

     Aldaketak:

-Kumuna txikiegia zenez eta proposatutako armairua handiegia, lehen armairua zegoen zatia erabili dut komuna handitzeko.
-Arraska tokiz aldatu dut, kumunetik gertuago egon dadin eta edozein tokitatik eskuragarriago egoteko.
-Sarreran aurkitzen den esertokia  Ludwig Mies van der Rohe-ren "Silla Barcelona"-n inspiratutakoa da.

     Esan dudan bezala, komuna handitu behar izan dut, eta horretarako oso lagungarria izan da "Las medidas en Arquitectura" liburua.

     Azkenik, hemen uzten ditut maketaren eta planoen hainbat argazki:

Bistak

Ebaketak

Apunteak

Sabaiko argiak